Massadeelname in agt wedlope en studentepret het tot die sukses van die 12de Dagbreek-straatmyl gelei.
Christopher Swart van Pukke was die wenner van die ope manswedloop in 4:06:26. Hy het die afgelope twee jaar die silwermedalje in die mans- 1 500 m by die SA atletiekkampioenskap gewen.
In die tweede plek was Ashley Smith van Maties in 4:07:37. Hy het die wedloop in 2018 in die kleure van UWK gewen.
Alexandros da Silva was derde in 4:15:21.
Die ope afdeling vir vroue is deur die Meester-Springbokatleet Kobie Griffiths in 5:03:01 gewen.
In die skaatsplank-afdeling is drie droommyle (myl onder vier minute) behaal met Mickail Joubert (3:51:88), Ruan Geldenhuys (3:55:64) en Nico Kriek (3:59:27) wat die hakskene gewys het.
Die pretmyl-afdelings is deur Nicolas de Wet van Dagbreek in 4:58:85 en Lanah Nel in 5:34:93 gewen.
