Die nuwe verteenwoordigende raad van leerders van die Hoër Meisieskool Bloemhof vir die termyn 2018-’19 is op 2 Augustus aangekondig nadat graad 8- tot 11-leerders hul kruisies getrek het.
Wel, nie heeltemal nie, sê Leon Piron, wat vanjaar gehelp het om ’n elektroniese stemstelsel te implementeer.
“Hierdie stelsel gee ons leerders die geleentheid om in ons hedendaagse tegnologiese wêreld nóg ’n vaardigheid baas te raak. Dit is ook van so ’n aard opgestel dat daar geen ruimte vir telfoute is nie.”
Die verkiesing het ook ten doel om ’n leerskool te wees. Leerders moet klasmaats wat as potensiële leiers beskou word, nomineer en uiteindelik uit daardie poel vir hul gekose leiers stem. Slegs die leerders mag stem, want dit is húlle wat verteenwoordig word.
In graad 8, 9 en 10 word vier leerders verkies, terwyl 10% van die graad 11-klas die groep verteenwoordig.
