Altesaam 20 atlete van die Hoër Meisieskool Bloemhof het die naweek van 18 en 19 Oktober aan die Noord-Wes Universiteit se Top-30-byeenkoms in Potchefstroom deelgeneem waar hulle as die wenners van die B-afdeling (20 atlete of minder) aangewys is.
Anneken Viljoen (800 m; meisies o.17) en Azrea Sylvester (verspring; meisies o.17) het goue medaljes gewen terwyl Elandri Schmidt (o.15) ’n tweede plek in die 3000 m en ’n derde plek in die 1500 m losgehardloop het. Anneken se jonger suster, Mienke (o.16), het ’n bronsmedalje in die 400 m gewen.
’n Aantal atlete het aan die Bredasdorp-Top-10-byeenkoms in die Overberg deelgeneem. Dominique Visagie het ’n tweede plek in die driesprong vir meisies o.15 behaal en Kyanti Greyling ’n derde plek in die 300 m-hekkies vir meisies o.15.
