Leerders van die Hoër Meisieskool Bloemhof het behoorlik op die Stellenbosch-eisteddfod geblom en heelwat Bloemhoffers het vanjaar spesiale pryse by die kunswedstryd se prysuitdelings ontvang.
Die Stringendo-strykensemble, wat twee strykers van Paul Roos Gimnasium – Danie Conradie (gr. 10) en Matt Truscott (gr. 9) – insluit, is vanjaar aangewys as die beste strykorkes.
Hulle het Sondag 10 Junie die Eikestadnuus-wisseltrofee ontvang en is ook genooi om die senior musiekpryswennerskonsert te open waar hulle, onder meer, die eerste beweging van Vivaldi se winter-concerto, met Zoë Coetzee as solis, gespeel het.
Zoë (gr. 12) het vanjaar die Stellenbosch-musiekonderwysersverenigingbeker vir klavier, 17 jaar, ontvang, maar dis veral haar uitvoerings as violis waarvoor sy vereer is.
Sy het die Pieter Schoeman-beker (belowendste viooldeelnemer onder hoërskoolleerders), die mev. A.C. Botha-beker (hoogste prestasie: senior violis) en die Susan de Villiers-geldprys vir beste hoërskoolviolis ontvang. Verder het sy vanjaar die Stellenbosch-kunswedstrydgeldprys met Ethan Lawson, ’n tjellis van Durbanville, vir die beste prestasie in twee uit drie verpligte kategorieë, naamlik solo, sonata of concerto, gedeel.
Mia Mege en Mia Decinti, albei graad 9-leerders, het die Bessie van Brakel-wisselbeker vir senior klavierduet gewen en het die C.G.W. Shumannwisselbeker vir die afdeling vir twee klaviere saam met Minette Lambrechts en Lenka Steenkamp ontvang.
Die Score 2 Duo-fluitensemble, wat uit die Bloemhoffers Estelle Truter (gr. 12), Elrie Janse van Rensurg (gr. 12), Elizna Horn (gr. 10) en die Rhenish-leerder Ally Osborne bestaan, het die Stellenbosch-kunswedstryd-beker vir blaasinstrumente (ope ensemble) gewen terwyl die Bloemhof/Paul Roos-blaasorkes, Musica Perpetua, die beker vir die beste blaasorkes by die kunswedstryd gewen het.
Talyah Greyling (gr. 11) en Kaelin Louw (gr. 12) het in die afdeling vir sang onderskeidelik die Stellenbosch-kunswedstrydmedalje vir meisiesolosang: 16 jaar, en meisiesolosang: 17 jaar gewen.
Jean-Marie Minnie het hierdie prys vir die afdeling konsertprogram: 16 jaar en ouer gewen. Kaelin het ook die C.F. Smit-beker vir beste vroulike deelnemer in die afdeling musiek en sang ontvang.
Bloemhoffers het ook in die visuele kunste spesiale pryse ontvang.
Nanette Lamprechts, ’n oudleerder (2017), het die Dirkie Offringa-trofee vir beste seniorontwerpkunstenaar asook die Stellenbosch-kunswedstrydmedalje vir tekstiel graad 12 ontvang.
Verskeie Bloemhoffers het die Stellenbosch-kunswedstrydmedalje in hul onderskeie dissiplines ontvang: Bianca Pretorius (teken, gr.
10-11), Emma Oosthuizen (skilder, gr. 12), Klara Flemming (drukkuns, gr. 10-11), Karla Visser (keramiek, gr.
10-11), Gabby McDonald (tekstiel, gr. 10-11) en Karla Krieg (juweliersontwerp, gr.10-11).
Ané Havenga (gr. 12) is op die verhoog as die beste senior deelnemer aangewys en het die Andreas van Wyk-beker en die Stellenbosch-kunswedstrydmedalje (beste deelnemer, gr. 12) en die Stellenbosch-kunswedstrydbeker vir senior voordrag en die Stellenbosch-kunswedstrydgeldprys ontvang.
Mienja Struass het die Stellenbosch-kunswedstrydbeker vir beste-gr. 8-deelnemer ontvang terwyl Emma Basson, Mia Lombard, Anna-Mart Louw, Mia Scholtz, Sanja Swanepoel en Andrea Visser – almal gr. 8-Bloemhoffers – met die Rudolf Gouwsbeker vir junior toneel bekroon is.
