Die Hoër Meisieskool Bloemhof se o.15A-netbalspan het sy seisoen op ’n hoë noot afgesluit toe dié span die silwermedalje in die Kay Motsepe-netbalkampioenskap gewen het.
Hulle het reeds in Junie vir dié toernooi se nasionale uitdunne gekwalifiseer en aan die einde van Augustus in Gauteng teen die sterkste o.15-spanne in die land meegeding. Daar het die netbalmeisies tien van hul 11 wedstryde gewen en slegs in die nasionale eindstryd die knie gebuig voor die Hoër Meisieskool Paarl.
