Stellenbosch se eerste suksesvolle e-vragfiets- en mikrologistieke werksessie is onlangs by Amazink in Khayamandi gehou.
Die doel van die werksessie was om entrepreneurs aan te moedig om e-vragfietse (cargo bikes) te gebruik deur innoverende sakemodelle in te span. Die projek beoog om ’n e-vragfiets-kultuur in Stellenbosch tot stand te bring.
Voor die 2020 Covid-19-inperking het Stellenbosch Fietsry ’n afvaardiging van Duitse akademici gehuisves wat fietse en fietsry as basis vir wetenskap- en wiskunde-onderwysmetodiek gebruik het.
Tydens die besoek het die Duitse maatskappy InnovationsManufaktur saam met Stellenbosch Fietsry die moontlikhede ondersoek om energiedoeltreffende, bekostigbare en verskeie ander alternatiewe vragvervoeroplossings in Stellenbosch te ontwikkel vir die verskeie ekonomiese en ekologiese voordele wat daaruit mag ontstaan.
Terwyl hy die inperkings verduur het, het ’n plaaslike entrepreneur en medestigter van Stellenbosch Fietsry, Carinus Lemmer, Seepglad begin, ’n “slegs myl” mikrologistieke diensverskaffer vir almal wat by die huis ingeperk was.
Intussen het ’n plaaslike innoveerder en vervaardiger, Lark Cycles, die reis aangepak om ’n paar prototipe-vragoplossings te ontwerp en te bou wat by die werksessie ten toon gestel is.
Die inisiatief word gedryf deur InnovationsManufaktur, terwyl dit geborg word deur die Federale Ministerie vir Ekonomiese Samewerking en Ontwikkeling en die staat Beiere (albei in Duitsland), saam met die plaaslike leierskap van die Stellenbosch Entrepreneur and Enterprise Development NPC (Seed), gelei deur Nicolette Booyens.
Uiteindelik hoop die partye dat hierdie projek ’n meer klimaatsvriendelike en volhoubare manier sal kataliseer om goedere in Stellenbosch te vervoer, terwyl werk geskep word.
