Een van die voorste aantrekkings in die Kaapse Wynlande vind Saterdag 13 tot Sondag 14 Julie plaas wanneer die Franschhoek-vallei in blou, wit en rooi getooi sal word.
Die Franschhoek-wynvallei, bekend vir sy kulinêre vaardighede en wêreldklaswyne, nooi gaste om tydens die vallei se ikoniese jaarlikse Bastille-vieringe in die lewendige tapisserie van Franse kultuur te duik.
Of jy nou kies om die wynproe binne die legendariese ikoniese Bastille-tent te geniet, waar dit wemel van plaaslike kosstalletjies en vermaak in lewende lywe, of verkies om deur die besige strate te dwaal terwyl jy die onbetwisbare atmosfeer van die dorp, wat van feestelikhede wriemel, inasem – daar is iets vir almal om te geniet.
Vanjaar se geleentheid sluit die hele dorp in, maar die hoof-feesterrein sal by die Hoërskool Franschhoek-terrein wees. Kaartjies kos R350 per persoon en is beskikbaar by www.webtickets.co.za.
Feeskaartjiehouers sal bederf word met wynproeë van deelnemende landgoedere terwyl hulle heerlike happies eet en vermaak in lewende lywe sal geniet.
Die feestye is Saterdag 13 Julie van 11:00 tot 17:00 (venue sluit om 18:00) en Sondag 14 Julie van 11:00 tot 16:00 (venue sluit om 17:00).
