GPF maak skenking van radio’s moontlik

Die Stellenbosch-gemeenskapspolisiëringsforum (GPF) het Halo-radio’s aan die
plaaslike polisie en die Stellenbosch-munisipaliteit se wetstoepassers help skenk.

Die radio’s is deel van Business Against Crime SA (BACSA) se Eyes and Ears-projek.
Radio’s sal ook aan die Klapmuts- en Devonvallei-plaaswagte geskenk word.

Die Halo-radio’s word in beheerkamers geplaas en is gekoppel aan die polisie se distriks-,
provinsiale en nasionale opskamer, wat dadelik ’n blitspatrollie in reaksie op ernstige
misdade uitstuur. Halo het sy radio’s geskenk, terwyl Narcus die lisensiekostes sal
borg.