Meer as 375 kinders van agt dorpies het Saterdag 25 Januarie by die Pniël-sportterrein opgetree in items wat gedurende die Stellenbosch-skoolvakansieprogramme van die e’Bosch-erfenisstigting ontwikkel is, met optredes in drama, musiek, sport en kuns. Hoogtepunte het Wemmershoek se musiekdrama en Khayamandi se tradisionele dans ingesluit. Ruim ondersteuning van die Jannie Mouton-stigting, Timberlea, die Stellenbosch-munisipaliteit en ander het die fees moontlik gemaak. Die viering het gemeenskapsgees versterk en jeugontwikkeling bevorder. Vir besonderhede van toekomstige skoolvakansieprogramme, kontak school.ebosch@gmail.com.
