‘n Besonderse konsert met twee uitnemende universiteitskore word op Dinsdag 22 Julie in die Endler-saal in Stellenbosch as deel van die Endler-konsertreeks aangebied.
Die konsert bied ‘n seldsame geleentheid om ‘n kragtige musikale samewerking tussen twee ensembles van verskillende vastelande – die Missouri State University Chamber Choir (MSUCC) en die Stellenbosch-universiteitskamerkoor (SUCC) – te beleef.
Die gehoor kan uitsien na ‘n uiteenlopende en boeiende program wat albei kore se artistieke vaardighede en kulturele wortels weerspieël.
Die MSUCC, onder leiding van dr. Cameron LaBarr, geniet internasionale erkenning vir hul presisie, musikaliteit en wêreldwye betrokkenheid. Hul repertoire strek van klassieke tot kontemporêre werke en hul jare lange ervaring op internasionale verhoë is in elke uitvoering duidelik.
Die SUCC, wat in 2014 deur dr. Martin Berger gestig is, het intussen een van Suid-Afrika se voorste universiteitskore geword. Die koor bring, onder leiding van Berger en Lunathi Ncamani, ‘n unieke klank wat Westerse klassieke tradisies, Afrika-koor-erfenis en hedendaagse komposisies saam.
Die SUCC is bekend vir sy ryk toon, uitdrukkende uitvoerings en sy vermoë om kulturele identiteite deur musiek te verbind.
Saam sal dié twee kore ‘n aand van koormusiek aanbied wat samewerking, kulturele uitruiling en die verenigende krag van sang vier. Die program sluit werke uit beide die Amerikaanse en Suid-Afrikaanse tradisies in, met items wat elke koor individueel sal uitlig, sowel as gedeelde uitvoerings.
Almal is welkom, of jy nou ‘n deurwinterde ondersteuner van koormusiek is of net nuuskierig is om iets nuuts te hoor. Moenie hierdie aand van musikale dialoog misloop nie; dit is ‘n geleentheid waar harmonie grense oorbrug.
Kaartjiepryse beloop R100 tot R220. Bespreek aanlyn deur Webtickets.
