Gizelle Abrahams, ’n gr. 12-leerder aan die Hoërskool Kylemore, is verlede maand (Julie) as die beste speler in Krieket Suid-Afrika (KSA) se o.19-meisiestoernooi vir 2022 tydens die KSA Pathway-prysuitdeling by Vodaworld in Johannesburg aangewys. Abrahams, wat Boland in Desember 2022 in die toernooi verteenwoordig het, is na afloop van die toernooi ook in die Suid-Afrikaanse o.19-skolespan opgeneem.
