Abigail Calitz, ’n graad 9-leerder aan die HMS Bloemhof, het in Maart vanjaar aan die swem vlak 3-kampioenskappe in Port Elizabeth gaan deelneem waar sy uitstekend gevaar het.
Sy het aan agt nommers deelgeneem en wen in sewe hiervan medaljes: twee goud, twee silwer en drie brons.
Sy het onlangs uitgevind dat sy vir die SA kampioenskappe gekwalifiseer het wat in Augustus plaasvind.
Alhoewel sy vir die 200 m-borsslag derde in die uitdunrondes gekom het, is sy ongelukkig in die eindronde gediskwalifiseer. Abigail se volledige uitslae is soos volg:
V 100 m-wisselslag – 3de (2:41.19)
V 100 m-borsslag – 1ste (2:21.40)
V 400 m-vryslag – 1ste (4:54.71)
V 200 m-vryslag – 2de (1:03.77)
V 100 m-vryslag – 2de (1:22.68)
V 50 m-vryslag – 3de (29:62)
V 50 m-vlinderslag – 3de (31:66)
