Leerders van die Hoërskool Klapmuts het verlede Dinsdag (23 April) aan ’n loopbaandag deelgeneem, wat deur die Klapmuts-biblioteek, verbonde aan die Stellenbosch-munisipaliteit, gereël is. Verskeie rolspelers, soos die Universiteit Stellenbosch, die Suid-Afrikaanse Polisiediens en die Nasionale Weermag, asook die Stellenbosch-munisipaliteit se wetstoepassingseenheid, het leerders toegespreek oor loopbane in dié verskeie velde, terwyl Good Hope FM regstreeks van die geleentheid af uitgesaai het. Op die foto is die radio-omroeper Leigh-Anne Williams van The Morning Show op Good Hope FM met ’n groep leerders van die Hoërskool Klapmuts.
