Die Skymed/AMS-helikopterdiens het vanoggend ’n mansstudent op die Stellenbosch-berg gered.
Dié student en ’n vrouestudent het Donderdag om 18:00 gaan stap om in die berg te gaan oornag.
Ná dit begin reën het, het hulle besluit om terug te keer. Hulle het egter mekaar op pad terug verloor.
Die vrouestudent het om hulp gebel en die polisie en Universiteit Stellenbosch se kampusbeheer het na die studente gaan soek. Hulle was egter onsuksesvol en het vanoggend weer hul reddingspoging voortgesit.
Die vrouestudent is vanoggend ongedeerd deur reddingswekkers gevind.
Die mansstudent het gegly en sy hand en linker knie beseer. Hy is na ‘n hospitaal vir behandeling geneem.
