Milla Kotze, ’n gr. 8-leerder aan die Hoër Meisieskool Bloemhof, het einde November weer in tenniskringe opslae gemaak toe sy as die 2022-ope- vrouekampioen by die Boland-meesterstennistoernooi bekroon is. Deelname is slegs op uitnodiging. Wat Kotze se prestasie so besonders maak, is dat sy genooi is om in die ope-afdeling (18 jaar en ouer) deel te neem. Met die begin van die 2023-tennisseisoen om die draai verskuif Milla se fokus nou na die internasionale tennisfederasie se toernooie in Suid-Afrika.
