’n Splinternuwe Suid-Afrikaanse klassieke komposisie première van 19 tot 23 Januarie in Kaapstad en die Boland by die vyf afskopkonserte van die Kaapse Kamermusiekkollektief (KKMK).
Met die steun van die Nasionale Jeugmusiekstigting (NJMS), bestaan die KKMK, ’n geregistreerde organisasie sonder winsoogmerk, uit musici wat wissel van jong studente tot professionele instrumentaliste, wat toeganklike en inligtinggewend uitvoerings vir alle gehore doen.
Dié konserte vind as volg plaas:. Woensdag 19 Januarie om 19:30 by Spinstraat 6 in die Kaapstadsakesentrum;. Vrydag 21 Januarie om 19:00 by die NG kerk in Franschhoek;. Saterdag 22 Januarie om 16:00 by die Ou Leerlooiery in Wellington om 16:00 en 19:00; en. Sondag 23 Januarie om 14:30 by die Erin-saal in Rondebosch.
Die KKMK het die plaaslike komponis en musiekverwerker Matthijs van Dijk opdrag gegee om die enigste bestaande kamermusiekstuk deur die komponis Gustav Mahler te voltooi. Matthijs is die seun van die bekende Suid-Afrikaanse komponis, Peter Louis van Dijk.
In die nuwe stuk gebruik Matthijs die temas en grondidees in sy eie artistiese manier om twee verdere bewegings te skep wat op Mahler se beweging volg.
Mahler se werke is in die algemeen vir groot orkestrale krag, simfoniese kore en operasoliste ontwerp. Die Klavierkwartet in A mineur is die eerste beweging van ’n agtergelate klavierkwartet. Die nuwe werk is “part ii: a Mahler Fanfiction”.
Twee van die vier musici vir dié konserte is bekende gesigte van die jaarlikse Nasionale Jeugmusiek-kompetisie – die violis Jeffrey Jeffrey Armstrong, die algehele wenner en goue medaljewenner van die 2014 NJMK, en die pianis Tertia Visser, ’n gereelde begeleier by die kompetisies. Die ander twee is die altvioolspeler Stéphanie Lawrenson en tjellis Graham du Plessis.
Die konsertprogram sluit die Eerste Beweging van Mahler se Klavierkwartet, Van Dijk se “part ii: a Mahler Fanfiction” en die Klavierkwartet Nr. 3 in C mineur deur Johannes Bach in.
Kaartjies wissel van R120 tot R200, afhangende van die lokaal. Alle kaartjies sluit ’n glas wyn, ’n bier by die Ou Leerlooiery en canapés by die Spinstraat-optrede in en kan bespreek word by Quicket via die KKMK-webtuiste by www.capechambercollective.com.
“Dié intreekonserte is nommerpas vir die NJMS se visie om jong klassieke musici in Suid-Afrika te identifiseer, bloot te stel en te ontwikkel,” sê Michael Maas, voorsitter van die NJMS.
