Die ATKV waardeer die groot rol wat onderwysers vervul en dat hulle die hoeksteen van die toekoms vorm.
Dié beroep word op Wêreldonderwysersdag (Saterdag 5 Oktober) gevier en erkenning gegee aan die uitnemende werk wat deur onderwysers oor die wêreld heen gedoen word.
In hierdie gees wil die ATKV-onderwysafdeling en die Afrikaanse Onderwysnetwerk (AON) vanjaar dié dag op Saterdag 19 Oktober in Pniël vier. ’n Glans-geleentheid word aangebied, wat beloof om onderwysers te bederf met optredes van sprekers, gaskunstenaars en ’n driegangmaaltyd.
André Hendricks, die projekorganiseerder by ATVK-onderwys, is aan die stuur van die geleentheid.
Beperkte kaartjies is nog beskikbaar.
- Kontak André Hendricks by 082 411 1333 vir besprekings en meer inligting oor dié dag.
