’n Polisie-operasie het suksesvol geëindig toe Groot Drakenstein-polisie se sosialemisdaad-eenheid ’n 24-jarige man vir die besit van dwelms vasgetrek het.
Wetstoepassingsbeamptes van Stellenbosch het Saterdag (7 Mei) gehelp met die uitvoer van die operasie.
Volgens sersant Charlene Pietersen, Groot Drakenstein-polisiewoordvoerder, het hulle beslag gelê op 100 Mandrax-tablette, ’n groot sak tik en R9 670,50 in kontant. “Dit was alles in een sak. Ons sosialemisdaad-eenheid is deur die A-skof van Groot Drakenstein-polisie en deur wetstoepassingsbeamptes van Stellenbosch bygestaan.”
Die verdagte het Maandag (9 Mei) in die Franschhoek-landdroshof verskyn en is borgtog toegestaan. Intussen is die dwelms na ’n laboratorium vir verdere toetse gestuur.
