Twee tweedejaarstudente aan die Universiteit Stellenbosch word sedert verlede Vrydag (21 Oktober) vermis.
Ethan Kirkland (19) en Leila Lees (18) is laas op dié dag in Stellenbosch in ’n donker maroen Subaru Forester (registrasienommer CA 280247) gesien.
Kirkland is ’n rooikop met bruin oë, het ’n gemiddelde liggaamsbou, breë skouers en is sowat 1,76 m lank. Lees is slank, sowat 1,52 m lank en het bruin oë en bruin hare. Sy het ’n wit syrok met feë vlerkies aangehad toe sy laas gesien is.
Enigeen met inligting kan die ondersoekbeampte, sersant Mack van die Stellenbosch-polisie by 082 522 1912 bel.
