Die wenners van die Standard Bank- Chenin Blanc-toptien-uitdaging is onlangs aangekondig, met die wenwyne wat uit byna 130 inskrywings wat van die 2021-, 2022-, 2023- en 2024-oesjare ontvang is, gekies is.
Onder hierdie is ses wyne van landgoedere in die Stellenbosch-streek en een van die Franschhoek-vallei.
Agt van die 10 wenners was 2023-oesjaar-wyne, terwyl die oorblywende twee van 2022 was, met die kleinhandelprys van die ingeskrewe wyne wat van R160 tot R350 per bottel wissel.
Die wenners van die 2024- Standard Bank- Chenin Blanc-toptien-uitdaging (alfabeties gelys), is:. Anthonij Rupert Cape of Good Hope Van Lill Chenin Blanc 2023. Flagstone Paradigm Chenin Blanc Reserve 2023. Kleine Zalze Family Reserve Chenin Blanc 2023. Knorhoek Chenin Blanc 2022. Lievland Old Vine Chenin Blanc 2023. Nabygelegen Rudmatis Chenin Blanc 2022. Stellenrust Secrets & Lies Chenin Blanc 2023. Stellenrust Old Bush Vine Chenin Blanc 2023. Stellenrust Next FN Level Old Bush Vine Chenin Blanc 2023. Zevenwacht Z Collection Chenin Blanc 2023
Elke wenwyn het prysgeld van R25 000 ontvang, met die voorwaarde dat dit gerig moet word na ’n inisiatief wat die wynwerker-gemeenskappe wat betrokke is, moet bevoordeel. Standard Bank het tot nou meer as R2,6 miljoen vir gemeenskapsprojekte – van onderwys en jeugontwikkeling tot behuising en gesondheid – geskenk.
In sy kommentaar op vanjaar se wenwyne, het die voorsitter van die beoordelaarspaneel, Higgo Jacobs, gesê inskrywings vir die uitdaging het uit 20 verskillende oorspronge gekom. “Wyne met hul oorkoms in Stellenbosch was die duidelike wenner, met ses van die top-10-wyne wat dié streek verteenwoordig het. Wat die prestasie selfs meer noemenswaardig maak, is dat Stellenbosch net 8% van Suid-Afrika se 32 000 ha Chenin Blanc-wingerde behels.”
Hoewel die samestelling van die paneel elke jaar verander om vars denke en insigte te verseker, was daar ’n merkwaardige bestendigheid in die wenreeks van jaar tot jaar, met baie van dieselfde produsentname wat verskyn, het hy bygevoeg.
“Alle wyne word blind geproe. Hulle gaan deur verskeie streng rondes voordat hulle in die eindronde beland, en daar is altyd robuuste debat in die keuse van die wenners. As beginsel verwelkom ons vernuwing en eksperimentering, aangesien dit is wat die Chenin-afdeling verwant hou en laat floreer. Ons voorkeur is egter terselfdertyd om die gehaltetekens in elke wyn te identifiseer – die vrugintensiteit en lengte, die balans en – in die geval van hout – bewyse van goeie integrasie van eikehout en fyn lieswerk.”
Die internasionale beoordelaar Madeleine Stenwreth MW van Swede was opgewonde oor die energie en stilistiese veelsydigheid van die wyne onder oorsig: “Daar was delikate, onderbeklemtoonde wyne wat ’n ongerepte, kristallynefokus vertoon; vuursteenagtige, senuweeagtige wyne wat tyd nodig het om te ontvou en ook ryk maar presiese wyne met tekstuurdiepte en deurdringende suurheid.”
Stellenrust is die mees bestendige wenner in die geskiedenis van die kompetisie, met verskeie wenwyne in sy reeks oor die jare. Anthonij Rupert is ’n herhaalde wenner, net soos Flagstone en Lievland. Knorhoek en Zevenwacht was eerstekeerwenners.
In ’n dapper stap om voordeel te trek uit China se toenemende belangstelling in witwyne, beplan Standard Bank, die borg van die jaarlikse Chenin Blanc-toptien-uitdaging, om die variëteit se beste-van-die-beste wyne in November by ProWine in Sjanghai ten toon te stel.
Die jaarlikse handelsuitstalling teiken wynkopers van oor die Chinese vasteland heen en het verlede jaar meer as 27 000 afgevaardigdes gelok. Selfs groter besoekersgetalle word vanjaar met die ontluikende herstel in die land se wynsektor verwag.
Die wynmark in die wêreld se tweede grootste ekonomie sal vanjaar na verwagting met 2,74% groei danksy ’n post-pandemiese herstel en ’n toenemende vraag na vooraanstaande wyne.
“Standard Bank se doel is om Afrika se groei aan te dryf. Een van die maniere waarop ons dit doen, is deur ons kliënte se betroubare vennoot vir hul groei te wees. Deur ons Afrika-China-handelsoplossings (ACTS) in vennootskap met die wêreld se grootste bank, die Industrial and Commercial Bank of China (ICBC), stel ons ons kliënte in staat om moontlikhede in geleenthede om te skep – soos die ProWine Sjanghai-handelskou,” sê Simone Cooper, hoof van besigheid en kommersiële bankwese vir Standard Bank Suid-Afrika.
Ken Forrester, die voorsitter van die Chenin Blanc-vereniging, voer aan die beplande ProWine-stalletjie, wat aan vanjaar se wenwyne toegewy is, verteenwoordig ’n beduidende stap in die aanbod van SA se kenmerkende witdruif aan nuwe gehore.
“In onlangse jare het witwyne toenemende guns by verbruikers in China gevind. Stygende anekdotiese bewyse van e-kleinhandelaars en op-verbruik-verskaffers dui op ’n groeiende aptyt vir witwyne, veral onder jonger wynliefhebbers wat gretig is om hul wynrepertoriums uit te brei,” het Forrester uitgewys.
“Dit blyk die patroon te wees in groot en tweederangse stede waar beskikbare inkomste die hoogste is. In hierdie sentrums blyk dit dat verbruikers begin om witwyne vir hul eie genot te kies in plaas daarvan wanneer hulle wyne vir ander koop.
“Dié neiging maak dit ’n geleë tyd om Chenin se stilistiese veelsydigheid en kosvriendelike eienskappe te beklemtoon. Met al sy vermelde terugslae in onlangse tye, bly China een van die wêreld se toptien- wynverbruikende nasies. Om SA se vlagskipdruif te beklemtoon, is net soveel ’n oorwinning vir die produsente van die wenreeks as wat dit vir Handelsmerk SA is.”
