Die 2024 GBCSA Leierskapstoekennings is verlede week tydens ’n gala-geleentheid by die Green Building Council South Africa (GBCSA) se 17de Green Building-konferensie by die Century City-konferensiesentrum oorhandig.
’n Stellenboschse eiendomsontwikkelaar Harold Spies, stigter en uitvoerende hoof van Similan Properties, het die Transforming Tomorrow-toekenning ontvang vir die bevordering van die bedryf in bateontwerpprojekte, vir die baanbrekende volhoubare residensiële ontwikkeling, Newinbosch Neighbourhood Estate, langs die R304 in Stellenbosch.
Newinbosch, wat tans in aanbou is, is ook as gesamentlike naaswenner vir Volhoubare Voorstadsertifisering, met ondersteuning van Ecolution, in die Hoogste Gegradeerde Gebou kategorie, erken.
Die toekennings volg op Newinbosch wat Sondag 17 Oktober twee African Property Awards in beide die Volhoubare Residensiële Ontwikkeling en Residensiële Ontwikkeling 20+ Eenhede kategorieë in Londen ontvang het. Dit plaas die ontwikkeling in lyn vir die gesogte Internasionale Eiendomstoekennings.
“Volhoubaarheid moet nie ’n buitensporige pryskaartjie dra nie. Die ekonomiese voordele wat Newinbosch bied – van verminderde nutskoste tot rentekoerskonsessies – maak hierdie leefstyl bekostigbaar en begeerlik vir alle middelklas Suid-Afrikaners. Ons doel is om volhoubare lewe te normaliseer en te wys dat dit ’n lewensvatbare keuse vir almal is,” het Spies gesê.
Vir meer inligting oor die ontwikkeling, besoek newinbosch.co.za.
