Die o.15-tennisspanne van Paul Roos Gimnasium het goed gevaar by die Maretha Burger-gemengde-tennistoernooi, aangebied deur die Hoërskool Stellenbosch. Drie spanne het saam met spanne van die Hoër Meisieskool Bloemhof en Rhenish Girls’ High School deelgeneem. Twee van die Paul Roos-spanne het in die eindstryd teen mekaar gespeel en die Paul Roos B-span, saam met Rhenish, het die eindstryd naelskraaps teen die Paul Roos A-span en Bloemhof gewen. Die Paul Roos C-span en Bloemhof B het vyfde geëindig, terwyl Sebastian Oosthuizen as die beste enkelspeler en Marcel Joubert as die naasbeste enkelspeler aangewys is. Paul Roos se A-span het bestaan uit Sebastian Oosthuizen, Hanno Bouwer en Simeon Roothman. Marcel Joubert, Nicolas Lourens en Luke Verwey het die Paul Roos B-span verteenwoordig en Paul Roos se C-spanlede was Juvan Weyers, Zach Jooste en Louis Kriel. Bo is die tennisspelers en -afrigters van Paul Roos, Rhenish en Bloemhof.Foto:
