’n Gesin wat Kersfees in ’n tent sou deurbring ná ’n verwoestende brand wat hul woning vernietig het, is gehelp deur ’n weldoener wat die berig in die Eikestadnuus van 15 Desember 2016 gelees het.
Die kontrakteur, Mark Mentoor Bouers, het onmiddellik van sy sub-kontrakteurs uitgestuur om ’n opname van die skade te doen.
Vrydagoggend 16 Desember was sy ambagsmanne op die perseel om herstelwerk te doen. Beskadigde dakplate, plafonne, vensters, elektriese deure en ’n warmwatersilinder is vervang.
Ons dank aan ’n “Samaritaan” soos mnr. Mentoor wat so spoedig hulp verleen het. Trane van hartseer is omskep in hoop, verligting en vreugde.
Dankie aan Eikestadnuus (Raymond Willemse) wat onmiddellik gereageer het op ’n noodoproep. Geseënd is die “Samaritaan” en weldoeners wat ’n omgeehart het om ander se hartseer trane op te droog.
You brought dignity back to homeless people.
