Die winterweer is op pad en die Stellenbosch-munisipaliteit deel die volgende wenke vir inwoners om hierdie winter veilig te bly:
• Inwoners word gemaan om nie vure te maak en dan sonder toesig te los nie.
• Moenie minderjariges sonder toesig alleen tuis los nie.
• Moenie petrol of paraffien gebruik om ‘n vuur aan te steek nie.
• Doof alle vure en kaggelvure heeltemal uit voordat u gaan slaap.
• Skakel verwarmers af voordat u gaan slaap.
• Moenie klere oor verwarmers gooi om droog te word nie.
• Vermy elektriese oorlading van muurproppe of veral verlengkoorde.
• Vermy oop vure naby strukture – veral in winderige toestande.
• Skakel alle elektriese toebehore voor en tydens beurtkrag af.
• Moenie in die bed rook nie.
• Sit kerse in stewige houers en maak seker alle kerse is dood voordat u gaan slaap.
